Kawsh meskáni bégahay shár ent
Máh mani chammán róchay deshtár ent
Máh mani chammán róchay deshtár ent
Mehlabán málit chandanén dhilá
Sarjamén donyá mesk o átár ent
Sarjamén donyá mesk o átár ent
Zérbár án gón wáhagay dódán
Sar mani jenday kópagán bár ent
Sar mani jenday kópagán bár ent
Dar kapant saylá gam pa sawdáé
Del zahiráni halk o bázár ent
Del zahiráni halk o bázár ent
Anchó zórák ent marchi baniádam
Wat wati jenday gardená swár ent
Wat wati jenday gardená swár ent
Dróg chó róchá ázagén drapshit
Rást shapay danzáni tahá gár ent
Rást shapay danzáni tahá gár ent
Man hamá tahná sál o karnáni
Kay mani hamráh, kay mani yár ent
Kay mani hamráh, kay mani yár ent
Taw benend tahná sál o jammárán
Man rawán kammén démterá kár ent
Man rawán kammén démterá kár ent
Róchá ham estárán hesábá ent
Taw goshay Kázi angatá sár ent
Taw goshay Kázi angatá sár ent
