Taw wati mawjén delá cha jost bekan
Tai delay bandán man jáhé kot nakot
Man hamá péshi man o armán mani
Man wati armán cháhé kot nakot
Taw goshay ke hár o kandhig o jawakk
Haw ke man é del teláhé kot nakot
Belly ke sai ent jahán may záriá
Má o taw parchá seláhé kot nakot
Béde cha wasshén hayál o tránagán
Man dega géshén gonáhé kot nakot
Sar bayán bárén che paymá menzelá
Bastagén bandé man ráhé kot nakot
Layb naent Mollá baláháni barag
Taw watá deng o baláhé kot nakot
Man shapé pa wat sabáhé kot nakot
Zyádahén dardán cha áhé kot nakot
Ji Ár Mollá