Kadam, kadam rawán bebet
Delér o pahlawán bebet
Pa sháne mádare watan
Pedá gón mál o ján bebet
Pa nám o nang o ábru
Sarán wati dayán bebet
Pa katth o sóbay menzelá
Kadam, kadam rawán bebet
Delér o pahlawán bebet
Pa sháne mádare watan
Pedá gón mál o ján bebet
Pa nám o nang o ábru
Sarán wati dayán bebet
Pa katth o sóbay menzelá
Kadam, kadam rawán bebet
Gar ázmán shomay sará
Proshtag, porgazab bebit
Gerók o grand o hawr o gwát
Nejéntag syáhén shap bebit
Zemin bebit chó ácheshá
Zamánag béadab bebit
Mayáret tors mán delá
Kadam, kadam rawán bebet
Proshtag, porgazab bebit
Gerók o grand o hawr o gwát
Nejéntag syáhén shap bebit
Zemin bebit chó ácheshá
Zamánag béadab bebit
Mayáret tors mán delá
Kadam, kadam rawán bebet
Bebit agan shomay sará
Gazab, gazab, setam, setam
Gón zolmay zahm o bajjari
Bebant sar shomay kalam
Bemallet démá, démterá
Padá shomay mabant kadam
Mán sohr o taptagén pedhá
Kadam, kadam rawán bebet
Gazab, gazab, setam, setam
Gón zolmay zahm o bajjari
Bebant sar shomay kalam
Bemallet démá, démterá
Padá shomay mabant kadam
Mán sohr o taptagén pedhá
Kadam, kadam rawán bebet
Topangay tir o tóp o bam
Shomay sará pa gwáragá
Del o jagar bebant dokapp
Nezar mabit pa cháragá
Tachán bebant hónay jó
Palak bekant nedáragá
Mán ás o ditay jammará
Kadam, kadam rawán bebet
Shomay sará pa gwáragá
Del o jagar bebant dokapp
Nezar mabit pa cháragá
Tachán bebant hónay jó
Palak bekant nedáragá
Mán ás o ditay jammará
Kadam, kadam rawán bebet
É zendagi golámiay
Balóchay possagán harám
É shán naent Balóchién
Peti saray bebit golám
Balóchay possagán yalén
Nasir arz kant salám
Beziret kawmay bayraká
Kadam kadam rawán bebet
Balóchay possagán harám
É shán naent Balóchién
Peti saray bebit golám
Balóchay possagán yalén
Nasir arz kant salám
Beziret kawmay bayraká
Kadam kadam rawán bebet
<em><strong>Golhán Nasir</strong></em>
