Wapáay bábá lekketag, Moriday dhawlén jatth nést
É kessahá pa Hániá malóth hecch mapatth nést
É kessahá pa Hániá malóth hecch mapatth nést
Mohabbatay hasáray sáheg ent tai ke enserán
Tai shaháray barkatá may ráhán band o gatth nést
Tai shaháray barkatá may ráhán band o gatth nést
Zarant chamm tahárián pa rózhnáén halwaté
Hazéntag gwátá shapkadag, cherági rókén watth nést
Hazéntag gwátá shapkadag, cherági rókén watth nést
Baheshtay daynán dast jatag chó wámdáray máléá
Hesáb o dádá Ádamay Hodáyá dhann o patth nést
Hesáb o dádá Ádamay Hodáyá dhann o patth nést
Zeminay mehr dawlaté ke dar jatag o molmah ent
Balóchay hórkén koddhoká waláetáni katth nést
Balóchay hórkén koddhoká waláetáni katth nést
Cha ganjén zálemán saré natrakkit bétawáriá
Begenday may zamánagay Hodáay ordán latth nést
Begenday may zamánagay Hodáay ordán latth nést
Mani dayáray malkamut na omr chárit na ke nám
Mayá ke hónbárián nagrástag gósht batth nést
Mayá ke hónbárián nagrástag gósht batth nést
Eshkay dóday lezzat ent ke laybián karár dant
Dahesht o dád é gwáziá bekatth yá makatth nést
Dahesht o dád é gwáziá bekatth yá makatth nést
Pedá jahán tabá ent ché goshit tará o chárit chón
Maná cha sáhá dóster ay, mani delá tai matth nést
Maná cha sáhá dóster ay, mani delá tai matth nést
