Chér o andarén paykárán
Deng o béhodén esrárán
Pegray man ragámé gwárán
Gálé pa wadhé kattárán
Deng o béhodén esrárán
Pegray man ragámé gwárán
Gálé pa wadhé kattárán
Dastá ent kalam mad-hóshén
Labz mán daptarán hámóshén
Harpán tal tal o sadpóshén
Bangán kohsari wazhnóshén
Labz mán daptarán hámóshén
Harpán tal tal o sadpóshén
Bangán kohsari wazhnóshén
Chizé pa jalén emrózá
Chizé pa delay mán sózá
Barhakk ant bahesht o dózah
Jód o grángwarén pérózah
Chizé pa delay mán sózá
Barhakk ant bahesht o dózah
Jód o grángwarén pérózah
Gappán má kanén bématthén
Kárán gón wati dazgatth én
Rájay may sarók ant jatthén
(Pa) dánké chón dayáré katthén
Kárán gón wati dazgatth én
Rájay may sarók ant jatthén
(Pa) dánké chón dayáré katthén
(Maná) Passond nabant mahgónag
(Man) Mehray pétkagant parzónag
Angarán kotag ásgónag
Hákán gón nabant del dónag
(Man) Mehray pétkagant parzónag
Angarán kotag ásgónag
Hákán gón nabant del dónag
Máhén sotkagant pésháni
Arson shép gerant chammáni
Tal bastag sará rakkáni
Bráh at sarnegón bikáni
Arson shép gerant chammáni
Tal bastag sará rakkáni
Bráh at sarnegón bikáni
Bélár ent gamig, man porsig
Botkag mahnawén lálay jig
Yakk sad koshtag o sad thappig
Yannehádá bahá gósht o pig
Botkag mahnawén lálay jig
Yakk sad koshtag o sad thappig
Yannehádá bahá gósht o pig
Deldáron nayayt bázárá
Dóch o adlasén gón shárá
Dágé per nadárit márá
Hayr o sharr nakant may kárá
Dóch o adlasén gón shárá
Dágé per nadárit márá
Hayr o sharr nakant may kárá
Bánóri makan gwáp layli
Kunjáni ram ent albayli
Báp o tai badan wassh sayli
(Gón) darwéshá nabit badpayli
Kunjáni ram ent albayli
Báp o tai badan wassh sayli
(Gón) darwéshá nabit badpayli
Miyáé nayán dánpendhén
Chamm sakk ant mani dorrán tai
Páday mársarén pádinkán
Dastay mangalikán zarrén
Chamm sakk ant mani dorrán tai
Páday mársarén pádinkán
Dastay mangalikán zarrén
(Mani) Nám ent Shay Morid déwánag
Eshká Hánolay shaydá án
(Maná) Zórén Chákarán rad dátag
Thaggéntag Balóchi dódán
Kawlán dátagén ér próshtag
bastag sánkalán mohrénán
Labz o bólián gédiay
Eshká Hánolay shaydá án
(Maná) Zórén Chákarán rad dátag
Thaggéntag Balóchi dódán
Kawlán dátagén ér próshtag
bastag sánkalán mohrénán
Labz o bólián gédiay
Pir o zyáraton hecch nayshtag
Kondhán tarretán, kondh gashtán
Bégáhán kotag monjári
Sohbán neshtagán dargáhán
Shabdémán masiton roptag
Kondhán tarretán, kondh gashtán
Bégáhán kotag monjári
Sohbán neshtagán dargáhán
Shabdémán masiton roptag
Hendon góletag, Sendon ham
Gashton Kupah o Kábahá
Pákén mán Nabiay zyárat
Musal, Basrah o Bagdádá
Alborzay sar o mátbandán
Bompur o baheshtén Turán
Sengánisará gádhókén
(Pa) Pád gashtán Nehengay kawrán
Gashton Kupah o Kábahá
Pákén mán Nabiay zyárat
Musal, Basrah o Bagdádá
Alborzay sar o mátbandán
Bompur o baheshtén Turán
Sengánisará gádhókén
(Pa) Pád gashtán Nehengay kawrán
Nesht o mán sará hák mán rétk
Sahté kandet o sahté grét
Sahté del wati táwán kot
Sahté jend wati sahdhént man
Sahté kandet o sahté grét
Sahté del wati táwán kot
Sahté jend wati sahdhént man
Yát wahdé maná Hánol atk
Dhómbáni dagáén pandal
Arsán didagán háron kot
Jig gón chóthawán misént man
Ehwál gón kotant gón nódán
Delborrén zahir gón gwátá
Dhómbáni dagáén pandal
Arsán didagán háron kot
Jig gón chóthawán misént man
Ehwál gón kotant gón nódán
Delborrén zahir gón gwátá
Ché dist o watá ché ché gosht
Delbandá wati sinag mosht
Jendá jat wati seng o dhók
Mán rétk sar wati haysigén
Delbandá wati sinag mosht
Jendá jat wati seng o dhók
Mán rétk sar wati haysigén
Del gosht ke wati kawlán bajj
Zahmon kasshet o tézon kot
Dastá kot kamán mizánén
Tirán mán zehén sombán kot
Ammélon wati lánká bast
Káthár gón doén talgóshán
Zahmon kasshet o tézon kot
Dastá kot kamán mizánén
Tirán mán zehén sombán kot
Ammélon wati lánká bast
Káthár gón doén talgóshán
Aglá gosht Morid déwánag
Kawlán chón Balóchi bajjay
Kawlán dátagén dódáni
Hánol dátag o bakshátag
Thaggént Chákará pa dánké
Tokké ke dar atk hákán kapt
Arsé ke dar atk cha chammán
Hecch paymá nabit pad zirag
Anchó ke nabant ars shirag
Kawlán chón Balóchi bajjay
Kawlán dátagén dódáni
Hánol dátag o bakshátag
Thaggént Chákará pa dánké
Tokké ke dar atk hákán kapt
Arsé ke dar atk cha chammán
Hecch paymá nabit pad zirag
Anchó ke nabant ars shirag
Káron beh nabant pa zári
Bé jambar chetawr hawr gwári(t)
Laggant sinagá thapp kári
Eshkay gón man ent bimári
Bé jambar chetawr hawr gwári(t)
Laggant sinagá thapp kári
Eshkay gón man ent bimári
Pádán brahnagén gón tarrán
Zendá béwati gwázénán
Nendán Hánolay andóhán
Wátarr nabán cha zyárat
Zendá béwati gwázénán
Nendán Hánolay andóhán
Wátarr nabán cha zyárat
Saggag ke nabant kóhén gam
Bangán nósh kanán jawrénán
Wapsán bonzehán shépáni
Jádhén didagán wáb géján
Bangán nósh kanán jawrénán
Wapsán bonzehán shépáni
Jádhén didagán wáb géján
Sarjáhán kanán sengán man
Bópáni badal hirtén rék
Ápán man warán lordénán
Kombáni tah o kánigá
Pensén man koner cha chóthá
Kónar cha adhangi gédhán
Bópáni badal hirtén rék
Ápán man warán lordénán
Kombáni tah o kánigá
Pensén man koner cha chóthá
Kónar cha adhangi gédhán
Póshán gwálagán zebrénán
Man bán gón shepánkán hamráh
Sárbánán kanán bél o brát
Shap jáhé rawán, róch jáhé
Bandán man delá bandgáhé
Gwázénán doróchi zendá
Man bán cha watá sharmendag
Man bán gón shepánkán hamráh
Sárbánán kanán bél o brát
Shap jáhé rawán, róch jáhé
Bandán man delá bandgáhé
Gwázénán doróchi zendá
Man bán cha watá sharmendag
Ogbál zortagant man dóstay
Máh o shirkajén Hániay
Dágon dátagant band o bóg
Rakk o áhenén pólátán
Ásé man jatag báládá
Tohmat bastagant táidén
Zér o garden o mán báskán
Máh o shirkajén Hániay
Dágon dátagant band o bóg
Rakk o áhenén pólátán
Ásé man jatag báládá
Tohmat bastagant táidén
Zér o garden o mán báskán
Hecch paymá nabán ásudag
Dóston neshtag o deltang ent
Kóth o Chákari mádhiá
Neshtag pa maná hiskárit
Sad bar pád kayt gón bramshán
Sad randá darigán bójit
Dóston neshtag o deltang ent
Kóth o Chákari mádhiá
Neshtag pa maná hiskárit
Sad bar pád kayt gón bramshán
Sad randá darigán bójit
Óhe oo Morid déwánag!!
Aglá gón wati kórmaymén
Ér kot daptarán rájaygá
Káré bésar o ancháén
Dánke é jahán mánit
Dánke pad nabant shágén wahd
Tránag tai delán gojj bandant
Hánol bazhn bit tai rájá
Aglá gón wati kórmaymén
Ér kot daptarán rájaygá
Káré bésar o ancháén
Dánke é jahán mánit
Dánke pad nabant shágén wahd
Tránag tai delán gojj bandant
Hánol bazhn bit tai rájá
Chér o andarén paykárán
Deng o béhodén esrárán
Pegray man ragámé gwárán
Gálé pa wadhé kattárán
Deng o béhodén esrárán
Pegray man ragámé gwárán
Gálé pa wadhé kattárán
Golámosén Shóház
