Taw Parchá Nayáay

Golámosén Shóház July 19, 2025 100 views

Delá máhekán ent, taw parchá nayáay
É mósom jawán ent, taw parchá nayáay

É métag taig ent, é róch tai sarig ent
Padá hawr rechán ent, taw parchá nayáay

Tai gollán man chokkán sohr o potrunkén
Gamig zendmán ent, taw parchá nayáay

Do róch zendagiay tai zolpáni chérá
Delon enserán ent, taw parchá nayáay

Tai tásén badan may sharábén hayálá
Wadhé sar rechán ent, taw parchá nayáay

Tai báláday wazhbu gamán eshkerénán
Padá bon gerán ent, taw parchá nayáay

Gón thahl o názán, gón dábán watigán
Byá wahd gwázén ent, taw parchá nayáay

Man kawlig o korbán án tai lóthagáni
Mani delbar kasán ent, taw parchá nayáay

Taw Bánór bátay, man sálónk bátán
Hodá mehrabán ent, taw parchá nayáay

Taw Hend o Sendá manend jáne Shóház
May molk Makkorán ent, taw parchá nayáay

4-Márch-1999
Golámosén Shóház

Golámosén Shóház

Hamrangén nebeshtag