Delá Cha Chest Bant

Delá Cha Chest Bant

Mobárek Kázi July 16, 2025 76 views

Delá cha chest bant páhár ás bant
Ta didagáni ars dors lás bant

Gón hón sambahénán zenday rahsarán
Agán golábay poll o gol halás bant

Masheng wati zabádbuén mahparán
Ke béasar saminay sardén wás bant

Agan tai mehray kaddahán wapá nabit
Ta mónesé pa man sharábay tás bant

Mani delá chó wáhagay zadá makan
Ke didagáni zang tai watás bant

Aprél-1985, Shál

Mobárek Kázi