Sargwát malárén bechkandé, nódáni sabáhán ér retkag
Yakk omré zahirán gwázéntag, yakk arsé negáhán ér retkag
Yakk omré zahirán gwázéntag, yakk arsé negáhán ér retkag
Lontháni sahárén gyábáná kukuén hayálé bósah dant
Tai mehr tadháni nókápé, sangartagén ráhán ér retkag
Tai mehr tadháni nókápé, sangartagén ráhán ér retkag
Baré kóhán karójit métag kant, baré shahrá jangal singárit
Yakk mast o malangén béhabaré, labzáni satáhán ér retkag
Yakk mast o malangén béhabaré, labzáni satáhán ér retkag
Tai mehray zarábén báhandán, daryáén hawassé bádéntag
Yakk trampé sawábán áp kotag, yakk trampé gonáhán ér retkag
Yakk trampé sawábán áp kotag, yakk trampé gonáhán ér retkag
Tahnáiay hórkén emrózá wayránén kodóhé hiskárit
Shabdrangén zahiré drachkáni del sestagén sháhán ér retkag
Shabdrangén zahiré drachkáni del sestagén sháhán ér retkag
Armán tai kohsárén delá hóshámay sapar óshtát nakant
Bon geptagén arsay mómén gam, arwáhay panáhán ér retkag
Bon geptagén arsay mómén gam, arwáhay panáhán ér retkag
