Sassiay Peryát

Morád Sáher July 2, 2025 70 views

Beshkon mani peryátán Ponnu!
Parchi shotay gón brátán

Bóshtet baret gón é békasárá
Rande shomá kay hast ent manárá
Man tai korbán bátán Ponnu!
Parchi shotay gón brátán

Parchi shomá chó téz rawán et
Randá kasé pédák ent nazánet
Mahri shomay lang bátán* Ponnu!
Parchi shotay gón brátán

Dar pa dar án man kóh o agárán
Delmósh kanán án dhangar o dárán
Gár é sárbán bátán Ponnu
Parchi shotay gón brátán

Jend mani tahná tonnay haláhósh
Kass delay dóstá gón nakant chósh!
Sar kotag ni syahgwátán Ponnu!
Parchi shotay gón brátán

Baht dochár kan gón man Balóchán
Shát o galáni pésari róchán
Yalah dát maná sharzátán Ponnu!
Parchi shotay gón brátán

… … … …
*lang bátán = bátant

Morád Sáher

Hamrangén nebeshtag