Man kadi sardári o mitáp o kilag, bór o lashkar lóthetag
Man kadi morwáred o tangah, hazinah, mál o gawhar lóthetag
Man kadi morwáred o tangah, hazinah, mál o gawhar lóthetag
Yakk napassend o dayársóchén lewáré atk drahbátá mani
Man wati jenday tanaksáhén tagerdén koll o kápar lóthetag
Man wati jenday tanaksáhén tagerdén koll o kápar lóthetag
Rombetag porkénag o kastén pa man yakk gongodámén lashkaré
Man cha zórákán é rájay zehtagén gáláni daptar lóthetag
Man cha zórákán é rájay zehtagén gáláni daptar lóthetag
Zendagén táwán bolóthán ham nadant torsá ke pa man sut bant
Pa natahirén delay per dáragá man ás o angar lóthetag
Pa natahirén delay per dáragá man ás o angar lóthetag
Wazhdelián zendmániay maná nést ent gelag duri kanet
Marg ham bahtá hazéntag nayayt, man róché do sad bar lóthetag
Marg ham bahtá hazéntag nayayt, man róché do sad bar lóthetag
Man mayárig án o radwár án tai, pahelon bekan bánok ke man
Nábezánti wáhagay béásarén káráni ásar lóthetag
Nábezánti wáhagay béásarén káráni ásar lóthetag
Chó dósháhén tirá mán atkag delá tránag tai, Hánol mani
Byá Sayad man ranj o andóháni angargwárén jambar lóthetag
Byá Sayad man ranj o andóháni angargwárén jambar lóthetag