Gyábánay

Mólom Cherág June 20, 2025 80 views

É kóh mechách ant dashtáni, bázár tayáb ant gyábánay
Hawréay newáná sabzénit del dráhén wábán gyábánay

Porkaypén zahiré lonth gasit, borwánok dant ent bémaylá
Bérang negáhé gishénit bass péch o tábán gyábánay

Arwáhé sahárit mestágán bándátay bozergén pahnátá
Bechkand trahénant ranján tai, sarréch ant azábán gyábánay

Byá byá ke zamánag páde shepád tai shóházá pad gardán ent
Bémollén homáré á lahdhi cha bang o sharábán gyábánay

Sengáni bashárat póshák ant ozráni hodábondén didók
Mahkánjalashkén kánchbadan pahréz golábán gyábánay

Báhand panáhé estunán, hankén wapáé bádháit
Mólom dán watá hinár makant del gyábán, gyábán, gyábánay

Mólom Cherág

Hamrangén nebeshtag