Chincho Bélezzat Ant

Aktar Mahmud June 17, 2025 79 views

Chincho bélezzat ant
Shám o rózard o bám
Byá pa taw hamsapar
Mahtal án gám pa gám

Tás sarréch bant
Kayp zurant golay
Lás jigay trepant
Bik parréch bant

Tonn o gozhnay jalá
Ars hónén shalant
Jig michal mani
Tai gamay jangalá

Máhén dróshom bebát
Poll golábay wadhá
Jambari nódshanz
Kaypay mósom bebát

Rólahi shénk taw
Máhay bránzán hamok
Aks paddar tai
Kánchay ádénk taw

Taw ebádat mani
Kábah o Jannat ay
Chó Koránay wadhá
Taw teláwat mani

Shahrá záher naay
Saht damán á goshit
Taw badal bitagay
Péshi Aktar naay

Aktar Mahmud

Hamrangén nebeshtag