Byá damé nendén wáhagay wasshén jannatá
Ásar ent emróz, nést wapá dawr o nawbatá
Ásar ent emróz, nést wapá dawr o nawbatá
Tránagay lambá bastag o bandók ent delay
Tai hamá gapp ke taw maná gwashtag ehwatá
Tai hamá gapp ke taw maná gwashtag ehwatá
Wasshián nóshit pa galé harkas shakkalén
Bazhn hamésh ent ke kass nazánt darday lezzatá
Bazhn hamésh ent ke kass nazánt darday lezzatá
Zend pa zénáli gwast zahiráni rahsarán
Del nadant gwáhi ke byayt margay sáhatá
Del nadant gwáhi ke byayt margay sáhatá
Atkagay ér mortag gwashay ranjáni keshár
Posht kotag sad dard sabzetag mehray mishat
Posht kotag sad dard sabzetag mehray mishat
Mayrokay mehr o Hánolay dardán hálawén
Jost bekan Shayhá o bopors Mollá Ezzatá
Jost bekan Shayhá o bopors Mollá Ezzatá
Man agan barr o bédehán, bégwáh án bale
Taw kadi zánán menzelé dar gétk pa watá
Taw kadi zánán menzelé dar gétk pa watá
Byá ométáni godhsari ótágá ent napas
Bass pa tai didá mahtal ent arwáh angatá
Bass pa tai didá mahtal ent arwáh angatá
Pahr maband inchok pa wati baht o tálehá
Nám tai proshtag Ábeday kabray barkatá
Nám tai proshtag Ábeday kabray barkatá
