Sad Bará Sázagá Padá Proshagá

Monir Mómen May 23, 2025 86 views

Sad bará sázagá padá proshagá
Man wa dam bortagán nu rad kapagá

Nun hamok poll sraptagén zaymé
Kay nedárah bekant delay kodagá

Kay edá sázagá ent emrózé
Dur gendán man sáhegé soragá

Kandagá distagesh tará balkén
Poll eshtápi butagant srapagá

Chónén háméné hecch nabit gendag
Didagáni gobáray machkadagá

Chón bechárán á máh o estálán
Man ke molmá án gón delay balagá

Yal nakortag jetáiay dámon
Hór má butagén sedag sedagá

Marchi tai lankokán badal zurit
Wahd názénkéay saray gwapagá

Kahr o mehré na ozr o nimóné
Hecch malóthit pa do habar kanagá

Má wa moshkull bayén ágán mánit
Yakk hayálé pa áhag o rawagá

Ji zemestánay mahramén ambáz
Man tai áwáz distagat badagá

Gir kayt ent, wati tahá distag
Shishagé, sengéay sará kapagá

Zendagi keshké jódh kortag, taw
Márá nádéntag pa rawag rawagá

Ji pa óstán mani darándhéhén
Ji pa bégáhay kanjalén damagá

Bell Monir kessahá makan maymay
Taw nadistag ágán delé kodagá

Monir Mómen

Hamrangén nebeshtag