Golay bánóriay hálesh raséntag
Padá é ázagén thappesh kodéntag
Padá é ázagén thappesh kodéntag
Maróchi grángwarén názáni Hánol
Man zánán, dozhmenén dóstán soréntag
Man zánán, dozhmenén dóstán soréntag
Zabádbu atkagat wábá manigá
Dege sázé mani kolly zaréntag
Dege sázé mani kolly zaréntag
Nayatkay gón wati shahdén zobáná
Hamok shap shir o shakkal pa taw méntag
Hamok shap shir o shakkal pa taw méntag
Habar sar butag máhén dazgohárán
Paméshká pa maná murkesh mojéntag
Paméshká pa maná murkesh mojéntag
Golay yakk zahrkanekkén cháragéá
Kalam yakpáragi bahtay naséntag
Kalam yakpáragi bahtay naséntag
Taw dátag hál delpróshén manárá
Kalát ganjén ométáni dhoréntag
Kalát ganjén ométáni dhoréntag
Damáné byá cha kahrén malkamitá
Pa kassh o hor janag sáhon zehéntag
Pa kassh o hor janag sáhon zehéntag
Ganók o sarmáchar o mastén wáhag
Mazárbimén mani margá godhéntag
Mazárbimén mani margá godhéntag
Nabit gendag maróchán pa gedáré
Radén násarpadán “dósti” hazéntag
Radén násarpadán “dósti” hazéntag
Sayad goshtag padá chár gál marchi
Ke béganjén zahirán del kodéntag
Ke béganjén zahirán del kodéntag
