Darday Abétki Ent Ke Delá Daz Janay Kodit

Hálek Armán April 6, 2025 84 views

Darday abétki ent ke delá daz janay kodit
Nun éoki, pa shayr tasallá dayag nabit

Marchán é dahray kásagá harchi hawádag ent
Báyad nun kwahnén mósomé wasshán kanag bebit

Rostag karáray sabzokén názénké bátená
Tai gellaháni shahmy belaggit, tahá merit

Har chamm ágah ent, wati wábáni gwánzagá
Bárén kojángo chórahén peryáté enserit

Róch o shapáni gwáziá, arwáh namóketag
Ensán anchén laybué, laybay tahá proshit

Sabzit tayáb, sáwadhay chawlán zahir kant
Donyá shekastén bójié loddhán kant gwazit

Hiskáragáni dasht, mani shahragá bon ent
Chó ham naent ke jangalay morgán samá mabit

Marchán é chamm, retkagén arsán wati nakant
Marchán é del hamésh ent wati drikkagán godhit

Bándátay sohrén bránz may hónay amánat ent
Kórén zeminay didagán sabzén gamé rodit

Tai yát laddh o bár bekant, métagay delá
Jédhán ke hórkén damkéá bechkandé pash kapit

Armán, má ke mósomay gári shoházetag
Kassé bayayt, gón maná gwátay padán begipt

Hálek Armán

Hamrangén nebeshtag