Padá per gashtagant shap máhekáni
Padá yát atkag mahrangén donáni
Man zánán gwát chamá kollá shegwastag
Do róch ent bu ent hir o pópaláni
Sar o chammán ant ás o angarén chamm
Ke sawgát ant béwábén shapáni
Che róché ke amoll pa man dar atkag
Habar gishéntagy gránmáwaláni
Omét o béométi hardo dár ant
Golén goptár pollén hambaláni
Matorsénet maná andóh o ranján
Ke báron kasshetag gránén gamáni
Mani arwáhay raptárán hazénit
Golén Hánol kehéb o loddhagáni
Tai áski didagáni mennatwár ant
Mani baht o syáhi kanjaláni
Mani námá gón harkassá gerán ent
Hasaddá gésh kant jawrén badáni
Del o chammáná ráhá chér géjet
Sepah pédák ent diwán o srapáni
Masitá ham nazánán kay maná bárt
Tai borwán ke mehrábay kamáni
Bechar pa émeni sabzén bahárán
Mani lassáén áhug bédeháni
Makasshát pa tará trondén lewáré
Zardókén mórt o thithal sarshapáni
Kojá á shahdgálay bénagén lonth
Kojá é kaddah shir o shakkaláni
Sayad átár o sárt ent gwát zánán
Ke gol pédák ent mesk o ambaráni
Sayshambeh