Régzáré nayke gyábáné zeré
Kaddahé tonnigén paymáné zeré
Má tai chammay tahá shóházetag
Gwandhokén pézhgáhé ázmáné zeré
Moj ke nendit genday kóhay dámoná
Gozhnagén apsé o kádáné zeré
Nawbatay béwábén chammán mán kot
Daz bekaptén kadde darmáné zeré
Harkasá gón but nódi sáhegé
Bahr bobutén genday ensáné zeré
Má pa taw harróch nesht o gwaptagat
Kessahé sártén zemestáné zeré
Taw gesar butay ke sestag ach maná
Didagé ósté o mahkáné zeré
Bé tará déwánagén é del Monir
Proshtagén bójigi sokáné zeré
Monir Mómen
(Yakk Bechilé Ázmán)
(Yakk Bechilé Ázmán)