Kayá gam tará dát, kayá del tai prósht?
Kayá zendmániay wáhag tai pillósht?
Kayá zendmániay wáhag tai pillósht?
Kayá dastán mán kot tai gránén sánkal?
Hambal kayá kot tai jig tal tal?
Hambal kayá kot tai jig tal tal?
Tará wári o bazzagi é kayá dát?
Kayá chósh pisként tai makkahén mát?
Kayá chósh pisként tai makkahén mát?
Poshtá kayá jat tai zánt o zán?
Kayá bort tai Chákari thahl o shán?
Kayá bort tai Chákari thahl o shán?
Kayá chér tarrént tará o tai nám?
Che paymá taw bitay golám o malám?
Che paymá taw bitay golám o malám?
Lagatmál kahchar kayá tai kotant?
Gówál o górom kojá tai shotant?
Gówál o górom kojá tai shotant?
Chiá macch o nibag tai gimortagant?
Walláni bar tai kayá sestagant?
Walláni bar tai kayá sestagant?
Dódáni badwáh o dozhmen kay ent?
Nádelser ay taw bale émen kay ent?
Nádelser ay taw bale émen kay ent?
Dráh o wadárán kai neshtagay?
Báhóth ay tahtay chiá waptagay?
Báhóth ay tahtay chiá waptagay?
Wati halk o molká wat dast beger!
Gol o pollén ráhá dobar sar beger!
Gol o pollén ráhá dobar sar beger!
Golámosén Shóház
