Tará Wat Sambahénán

Sayad Háshomi March 23, 2025 95 views

Golay malgórán mesk o ambarénán
Kanán yát o wati kollá zarénán

Mani sostén rawáján chósh macháret
Shomárá yak pa yakká man rasénán

Agán ómán bant ent dard o armán
Gamáni porrén dombálán srapénán

Maná bass ent wati lassáén áhug
Mayáret pa man górán máhalénán

Zahiron bit per bandán do say gál
Agán bégam bayán thappán kodénán

Pa harrangé kanán nyádé gón dóstá
Ke badwáháni bahtárá nasénán

Mani kollay cherágiá bemannay
Tará cha malkamutá ham zehénán

Tará marchi pa bánóri begendán
Bale byá man tará wat sambahénán

Mani Hánol byá ke hennián tai
Wati zagrén delay hónán gón ménán

Sayad móh day delay hónán watigán
Cha chammáni rahá marchi shalénán

(Bolórdán, Kaserkand
Ádénagay sabáhay sará
Yakk Aktóbar 1954)

Sayad Háshomi

Hamrangén nebeshtag