Cha golay molká bé sar o sámáná shotán
É delay gamwár at, gamá sátháná shotán
É delay gamwár at, gamá sátháná shotán
Gón ganók o déwánag o shaydáén sará
Gréshag o kóh o kandhagán derráná shotán
Gréshag o kóh o kandhagán derráná shotán
Dozhmenén dóstá gwánk jatat, sharr yát ent maná
Cha watá brát o hambalán sendáná shotán
Cha watá brát o hambalán sendáná shotán
Delbaray nátorsén delay wáheshtay padá
Róché sad randá gón delay armáná shotán
Róché sad randá gón delay armáná shotán
Gón janán at gam, tirku o sikárchán maná
Hón morádáni rahsarán récháná shotán
Hón morádáni rahsarán récháná shotán
Pésh nadásht gónáb Hanolá sakk dard ent maná
Grétagén chammé cha golay diwáná shotán
Grétagén chammé cha golay diwáná shotán
Menzelán dóstiay cha man sári kaptagén
Har gamay báré kópagán zuráná shotán
Har gamay báré kópagán zuráná shotán
Eshkotat nádóst ent golá polláni bahár
Bágchah o poll o sabzagán sócháná shotán
Bágchah o poll o sabzagán sócháná shotán
Yakbaré gwátá á zabádbuay bu kotat
Moddaté shóházá golay prósháná shotán
Moddaté shóházá golay prósháná shotán
Dóshi man estárán jadhakkókénán gwashay
Pa tai shár o pilawá sendáná shotán
Pa tai shár o pilawá sendáná shotán
Wád o sócháki kégaday yátay háterá
Ázagén thappáni sará dranzáná shotán
Ázagén thappáni sará dranzáná shotán
Atkán gón wassh o wazhdelén ommétán Sayad
Angarán léthán o jagar bréjáná shotán
Angarán léthán o jagar bréjáná shotán
Sayad Háshomi