Zaymén bárigéay óst páspán atant
Ágahén dardé at, wábén armán atant
Gwát bandig atant mán é halk o darán
Morg harjáh ke sar geptant zendán atant
Nawbatay del pa rozhnáén chammé zaret
Máh o estál bandén darigán atant
Chó shapá sheng o talán at tahnáié
Dóstáni chedhekkah mecháchán atant
Jang mahrangéay mehlabén dráhi at
Chó golay mahparán zahm sáchán atant
Proshtagat wahday ádénk gyábánéá
Chammán surat delán nyád ómán atant
Émeni wáb o rástiay hamráhiá
Má sapar kot pa mahgónagay dráhiá
Dur dáshtag cha harrangén nádráhiá
Surmagén hák tai mohkamén gwáhiá
Zikkén marká cha marchigén bégwáhiá
Monir Mómen