Dastánag

Atá Shád March 17, 2025 55 views

Hawr bogwárit, nód beshanzant
Sabz bebant tai hoshkén dár
Chó ke saminá, wáhagay driná
Bód kanant tai dhann o dhagár
Sabz bebant tai hoshkén dár

Gir árán sabztákén kahirán
Ahdi ahdán kór o zahir án
Sabzén tallá, hárén mallá
Yát kant har sohb o sáhár
Sabz bebant tai hoshkén dár

Bórsawárán, shérshekárán
Nódshalán o ásshahárán
Tangahén bacchán, Makkahén mátán
Menzel menzel ráh sapár
Sabz bebant tai hoshkén dár

Borzá kóh tai mehray pánag
Zére zeminá dorray dánag
Gawhar shanzant, jawhar dranzant
Nillén zer o meskaypén keshár
Sabz bebant tai hoshkén dár

Bit sará sáheg máhekáni
Nyád delá káyant kádháni
Kóker bandant, poll bechkandant
Kayt hayálán mawj o malár
Sabz bebant tai hoshkén dár

Atá Shád

Hamrangén nebeshtag