Chó Pa Arzániá Táit Nabit Tir Mani

Atá Shád March 14, 2025 74 views

Chó pa arzániá táit nabit tir mani
Deljamá wáb makan, wájah mani mir mani

Pa wati tangahén jóháná boshóház, zeré
É zemin ent edá har jágah kapant, bir mani

Pa maná rók mani ákebatay kandil ent
"Marchigén" danz nakant wáhagá sahgir mani

Béde "zendáp" trahit é mani eshkay hóshám
Wahday "tabdás" nakant hambalóá dir mani

Grand yakk dháhé bezánay ke shalit tupáné
Pa taw yakk hakkalé, é tahmbol o táhir mani

Wájah har jágah raway, ráhpadán gár makan
Ke chó talk ent hamok rahsaray padgir mani

É delay pahki ent, é niyatay néki ke Atá
Watá lékant morid é mazanén pir mani

Atá Shád

Hamrangén nebeshtag