Sháeri

Ásay bálád táb geragá entNun cherágáná wáb geragá ent
Pésará gept má sharábáráMarchán márá sharáb geragá ent
Tonná maygá zobán ródéntagNámá taigá goláb geragá ent
Kessahá margay zántkár nayánZendagi sharr hesáb geragá ent
Chawl óshtátagant tai chammánRáh tachká tayáb geragá ent
É ke Ershád é wadhá kanditCha delá dard táb geragá ent
Ershád Parwáz

(Mótké pa Ájezay namiránén arwáhá)
Hál o badpál mán jahán shengitKocchalé zahrén harkasy tengit
Marg dóstáni gécheni géchitKoht o kólenján ás per réchit
Wáay dastay shahár ke narasitTarrén jawrig pécheshi péchit
Cháhadhi páháré delá bréjitTráwalén pádán angarán géjit
Har damán tahlén tránagé próshitTahkoshén bazhné ranj bádénit
Ájui wábé, zarrén wábet distTai hamok wáb tán abad mánit
Manzur Besmel

Eshkotag gón saminá kolaw gón kanayEshkotag kawshay góshán taw gappé goshayEshkotag chárdahi máhekánén shapánMáhay démá taw nenday may námá geray
Eshkotag gón saminá kolaw gón kanay
Chón man dódán Balóchi bepróshán bogosh?Chón taw donyáay démá sará chest kanay?Hardén jédhay maná yá mani bábatáBass bejan thahkagé o bekand o bogoshWahd o pás o zamánag badal bitagantCha maná cha mani yát pasht kaptagantBass hamé yakkén gappá delá ér bekanO besahdhén delá chó tasallá bedayÁ mani gwastay hamráhé at bénasibÉ mani pollén máná pa baht o nasibÁ chó sarsabzén drachká delá zendag atÉ chó garmági róchá mani sáheg ent
Eshkotag gón saminá kolaw gón kanay
É wa dódé jahánay taw zánay naentKass pa dróhápéá chammagán yal nakantMan tai hósh o sodd o hayálá nayánTaw ón béhál bekan gwastagén nawbatánMan ón zendánéá band án bit moddatéGwátay dar band kotag kesmatá pa manáHál o ehwál o labzé nayayt sar nabitRóch ón dér ent ke chammán nadistag maniKe ta bandán man mohrén kalátay taháHast barósah bale jenday zátay saráÉ wa jazm án ke róché chedán dar kapantMan kojám óstá pa taw bale sar bebán
Eshkotag gón saminá kolaw gón kanay
Gón makan gón saminá kolaw ke saminRázdáré bebit pa tará mohkaménO gón kawshán rázán delay dar makanEshkon nun shapá o shapá gósh perShapjatén máhekániá ádat kotagMáhay démá mani námá hejbar magerYát bekan bass hamá magrabay némagánGón taw yajjáh etán man tará goshtagatMan gón rabbá wati é dwá lóthetagArsi trampé agán didagán tai dar atkLonthán gerr bast Zabádi pa tai gréwagánDel betrakkát Naziray hamá sáhatán
Eshkotag gón saminá kolwa gón kanayEshkotag kawshay góshán taw gappé goshayEshkotag chárdahi máhekánén shapánMáhay démá taw nenday may námá geray

Read more.....

Hamsapar máh o mósom badal bitagantDid bargashtagant, chamm badal bitagantTaw on tir o topangay tawárá shamóshMayg o tai wasshi o gam badal bitagant
Róchay gappá bekanMáhay gappá bekanRozhnay gappá bekanZenday gappá bekanÁs day tupaká
Sáz kan darday sorózá gón wasshén donánYal kan jangáni názénk o kahrén konánTaw makan kénagay ásá rók o mazanMan pa mehrá zahir án, pa mehrá bon án
Kaypay gappá bekanTásay gappá bekanDarday gappá bekanRangay gappá bekanÁs day tupaká
Washrawájén goláni beday tránagáShirkenén pópaláni beday tránagáÁs o ásen nabant kassi darday dawáMárá garki taláni beday tránagá
Pollay gappá bekanLonthay gappá bekanMehray gappá bekanRázay gappá bekanÁs day tupakáÁs day tupaká
Mobárek Kázi

Halwaté gón watá bekant mardomÉokiá razá bekant mardom
Bésamái hazár rangá entRang rangá samá bekant mardom
Ázmáné sará bozurit oÁzmáné sará bekant mardom
Bégonáhi ke yakk gonáhé godháÉ gonáhá padá bekant mardom
Petthoké hón ham delá mán néstKe cherágay tahá bekant mardom
Sohtag o syáh ent mayzarén BólánZyá tai chón gamá bekant mardom
Zyá Balóch

É zamánag tai zahiray wábjáhá ágah entDel mosáper, ákebat emrózay ráhá ágah ent
Kammén mahtal bu man chammán band kanán, hálé geránKay mán zerdá wáb kaptag, kay negáhá ágah ent
Kaddah ón talkárén lontháni hazár randá proshantDán mani hóshámay trampé dahray cháhá ágah ent
Wábén zenday katraháná jannati gónáp dantAndará zerday hayálé chó gonáhá ágah ent
Balkén róché jódh bit dán menzelá má sar bebénWáhagáni é cherágén gam ke ráhá ágah ent
Dóshi shóházá delay dar kaptagán gendán MonirChó taháriá sochán ent, chó ke máhá ágah ent
Monir Mómen

Hodá bezánt kai hayál o tránagán cha gwastagánMan gám gám, sar janán zamánagá cha gwastagán
Manárá dóshi bémorádén tiréá napar kotagMani mayár chi ent, man neshánagá cha gwastagén
Manárá hecch garaz naent pa ganj o mál o dawlatáTai shoházá man hamok hazánagá cha gwastagán
Hamok hesábá man é dalwatáni gawrasi kotagBozáni pásbániá man shwánagá cha gwastagán
Man Kázi golzeminay gam wati kotag hamok wadháBaré baré man agl o hósh o zánagá cha gwastagán
Mobárek Kázi

Zenday gam o hayálán tawjil o ráhé néstMay syahshapáná hejbar zánán sabáhé nést
Lékit ganók o nábud hambal maná jahánéTaw ón bogosh manárá, tará ham gonáhé nést
Cha zenday máhekáná dán zendag én zebahr énMay bahtay ázmáná estár o máhé nést
Taptag zemin é ganjén ródázmán nilénMárá mán é jaháná hankén o jáhé nést
Mani zendagiay tóshag tai mólom o hayál antBéde eshán manárá mál o matáhé nést
Bashir Bédár

Tai wadáray nawbatáSharáb mashkéá bebantKahiri sáhegé bebitKapót kukuá bebantPoránigé porán bebitShenekkué jalán bebitO shik eshkerán bebitRóch jambarán bebitNód shimorán bebantKawshay sharr delá bebitPa shát kasshagá bebitTai gedánay kerr o kashCha mardománi mocchiáChó siréay sará bebitMalangén Shay Morid watáPa náz sádhagá bebitMolukén zerd HániayChó bági gwádhagá bebitMani karotkagén napasHamé nedáragá bebitManárá áp gón bebantO á sobáregá bebitKasé maná begipt jost!Bechár chónén mósoméChetawr wasshén lezzatéBebit tai wadáray shapO taw mayáay sáhay kappMan hecch wadhá razá nabánÉ koll mani tamáh naant
Hammal Shóház

Patangé bán o dayán pa taw bál zendagiáAgán bozuray maná pa mesál zendagiá
Kasé cha kabray saruná dán omr pád nayaytNayatkag mortagén mardá hayál zendagiá
Kapódaréay kolaw gón atant bahárgáháÉ bágá poll nayárant chenál zendagiá
Tará cha pésh, cha taw pad edá ón rawwá entPadáni pól makant pádmál zendagiá
Nun mán gisshetagant malkamut o omr doénKamál margá kotag yá kamál zendagiá
Á darday chádh delay drikagáni tóká entGón prosht o próshiá kárit damál zendagiá
Taw atkagay pa tará é napas man ér kotagBabátagant nun wati máh o sál zendagiá
Padá ón dast chiá bárén kissagá nashotagMá zántag harchi naent zarr o mál zendagiá

Read more.....